ئاگادارییەك بۆ کاسبکارانی بازاری سپی

پارێزگای هەولێر، وادەی قستی سێیەمی بۆ کاسبکارانی بازاڕی سپی درێژکردەوە و ڕۆژی تیروپشکی ناوەکانی ئاشکراکرد.

راگەیاندنی پارێزگای هەولێر، ئاگادارییەکی بڵاوکردووەتەوە تێیدا هاتووە: “لەسەر داوای بەشێک لە کاسبکارانی بازاڕی سپی کە نەیان توانیوە قستی سێیەم بدەن، بڕیارمان دا بە درێژکردنەوەی ماوەی پێدانی قستی سێیەم بۆ ڕۆژی دووشەممە 16-1-2023 “.

لە ئاگادارییەکەی راگەیاندنی پارێزگای هەولێر، ئاماژە بەوەشکراوە، ڕۆژی تیروپشکەکە دەکەوێتە ڕۆژی پێنجشەممە 19-1-2023 لە هۆلی میدیا.

هەروەها داواش لەو کاسبکارانە دەکەن کە قیستی سێیەمیان داوە سەردانی بەشی یاسایی پارێزگا بکەن بۆ تەواوکردنی ڕێکاری یاسایی، بە پێچەوانەوە ناوی ناچێتە ناو پڕۆسەی تیروپشک.