ئەربیل لایف درێسی وەرزشی بۆ یانەیەک دابین دەکات

تۆڕی سۆشیال میدیای ئەربیل لایف درێسی وەرزشی بۆ یانەیەکی وەرزشی لە ناحیەی بەحرکە دابینکرد.

گەنجێک بە ناوی هێرش سەفەر، خۆبەخشانە فێرگەیەکی وەرزشی لە ناحیەی بەحرکە دامەزراندووە بەمەبەستی بەرەوپێشبردنی وەرزش و خزمەتکردنی گەنجان، لە فێرگەکەدا ڕۆژانە چەندین یاریزان لەژێر چاودێری ئەودا ڕاهێنانیان پێدەکرێت.

هێرش سەفەر، ڕاهێنەر و خاوەنی فێرگەکە دەڵێت: “ئێمە ئەم قوتابخانەیەمان دامەزراندووە بەبێ هیچ پاڵپشتییەکی دارایی و هەموو ڕۆژێک لەگەڵ یاریزانەکان راهێنان دەکەین”.
ھەروەھا گوتی” زۆر سوپاسی ئەربیل لایف دەکەین بۆ ئەم پاڵشتییە و پشتگیرییە جوانە”.

تۆڕی سۆشیال میدیای ئەربیل لایف 20 درێسی وەرزشی بە لۆگۆ و ناوی ئەربیل لایف بۆ پاڵپشتی و بەردەوامیدان بەخزمەتکردنی وەرزشوانانی فێرگەکە، دابین کرد.

ئەربیل لایف ـ ئارام ئەبوزێد