خەلیفان دەکرێت بە قەزا و سرێشمە بە ناحیە

وتەبێژی سەرۆکایەتی هەرێم ئایشکرایکرد، بەواژووی سەرۆکی هەرێمی کوردستان بڕیار لەسەر بەقەزا بوونی خەلیفان و بە ناحیە بوونی سرێشمە درا.
‌‎
ئەمرۆ یەکشەممە 2023.7.2 نێچیرڤان بارزانی، سەرۆکی هەرێمی کوردستان، بە فەرمانی هەرێمی واژووی لەسەر بە قەزابوونی شارۆچکەی خەلیفان و بە ناحیەبوونی گوندی سرێشمە کرد

‌‎دلشاد شەهاب, وتەبێژی سەرۆکایەتی هەرێمی کوردستان رایگەیاند: “ئه‌مڕۆ سه‌رۆك نێچيرڤان بارزانى، فه‌رمانى هه‌رێمى بۆ كردنى شارۆچكه‌ى خه‌ليفان به‌ قه‌زا و كردنى گوندى سرێشمه‌ به‌ ناحيه‌ واژۆ كرد و له‌مڕۆوه‌ فه‌رمانه‌كه‌ ده‌كه‌وێته‌ بوارى جێبه‌جێكردنه‌وه‌”.

هەروەها باسی لەوەکرد، به‌م بڕياره‌ له‌ هه‌موو ڕوويه‌كه‌وه‌ ئاسانكارى و خزمه‌تێكى باشترى ناوچه‌ى خه‌ليفان و دانيشتوانى سنووره‌كه‌ ده‌كرێت.

ناحیەی خەلیفان کە ژمارەی دانیشتوانی زیاترە لە ٢٦ هەزار کەس وە رێگای سەرەکی ٦٤ گوندە، سەر بە ئیدارەی سەربەخۆی سۆرانە، لە رووی هەلکەوتەی جوگرافیای بە شوێنێکی گەشتیاری دادەنرێت
هەروەها گوندی سرێشمە نزیکەی ٢.٥ کیلۆمەتر لە ناحیەی خەلیفانەوە دوورە،ژمارەی دانیشتوانی نزیکەی ٦ هەزار کەسە.

ئەربیل لایف ـ دیلمان فەرحان