ماراسۆنى نێودەوڵەتىی لە هەولێر بەڕێوەدەچێت

بەدروشمى ‘وەرزش کۆمان دەکاتەوە’، ڕۆژى هەینى، (10)یەمین ماراسۆنى نێودەوڵەتیی لە هەولێرى پایتەخت بەرێوەدەچێت.

رۆژی هەینی 27/10/2023 بە بەشدارى هەزاران کەس لە کوردستان و عێراق و جیهان، (10)یەمین ماراسۆنى نێودەوڵەتىی و گەورەترین چالاکىی وەرزشىی ساڵ لە هەولێرى پایتەخت بەرێوەدەچێت.

بەشداریکردن لەم ماراسۆنەدا کراوەیە بۆ (پیاوان، ئافرەتان، منداڵان، گەنجان، بەساڵاچووان، خاوەن پێداویستى تایبەت) و هەمووان دەتوانن بەشداربن و ناویان تۆمار بکەن .

بۆ بەشدارىکردن ڕۆژانى چوارشەممە و پێنج شەممەى ئەم هەفتەیە 25 و 26 ئەم مانگە لە کاتژمێر 9:00 بەیانى تاوەکو 6:00ى ئێوارە سەردانى پارکى شانەدەر (ناو
گەلەرى شانەدەر) بکەن بۆ وەرگرتنى ژمارە و تیشێرت.