ناو نووسین بۆ پرۆسەی حەج دەست پێدەکات

هەفتەی داهاتوو، ناونووسین بۆ ئەو هاوڵاتییانە دەستپێدەکات کە دەیانەوێت بچن بۆ حەج. حکوومەت پاڵپشتی دارایی خەرجییەکان دەکات بۆ پرۆسەی حەجی ساڵی ٢٠٢٤.

ئەمڕۆ چوارشەممە، ٩/١٠/٢٠٢٣، لە کۆنگرەیەکی ڕۆژنامەوانی وەزارەتی ئەوقاف و کاروباری ئایینی ڕایگەیاند:”لە ڕۆژی یەکشەممەوە هاوڵاتییان دەتوانن ناوی خۆیان بنووسن بۆ بەجێگەیاندنی فەریزەی حەج لە ساڵی داهاتوودا، پرۆسەکەش بەشێوەی تیروپشک دەبێت”.

هەر لەکۆنگرەکەدا ئاشکرایانکرد، کە لە شار و شارۆچکەکان نووسینگەی تایبەت بە ناو تۆمارکردن دەبێت و هاوڵاتییان دەتوانن ناوی خۆیان بنووسن.

لەبارەی ناونووسین بۆ ساڵانی داهاتوو، وەزارەتی ئەوقاف و کاروباری ئایینی، رایگەیاند:”بۆ ساڵی داهاتوو ناونووسین بەشێوەی ئۆنلاین دەبێت، ئەوانەی پێشتر ناویان نووسیوە نامێنێت و سفر دەبێتەوە”.

ئەربیل لایف – ئارام ئەبوزێد