نەخۆشخانەیەکی (100) قەرەوێڵەیی سوتان دروستدەکرێت

‎بە گوژمەى زیاتر لە (9 ملیار دینار) دەستدەکرێت بە دروستکردنى نەخۆشخانەیەکی (100) قەرەوێڵەیی سوتان لە شاری هەولێر.

‎راگەیاندنی پارێزگای هەولێر، لەبڵاوکراوەیەکدا، رایگەیاند؛ لەم نزیکانە لە ڕێگای پارێزگای هەولێرەوە دەست دەکرێت بە دروستکردنى گەورەترین نەخۆشخانەی (100) قەرەوێڵەیی سوتان لەسەر ڕووبەری (89,000م2)، بۆ ئەم پڕۆژەیەش گوژمەی (9 ملیار و 200 ملیۆن دینار) تەرخانکراوە، لە ئێستاشدا هەموو ئامادەکاریەکان بەکۆتاهاتوون بۆ جێبەجێکردنى پڕۆژەکە و بەم نزیکانە دەخرێتە تەندەر و دەچێتە بواری جێبەجێکردنەوە.

‎هەروەها لە راگەیاندراوەکە ئاماژە بەوەکراوە؛ لە ماوەی ساڵى ڕابردوودا بۆ نۆژەن کردنەوە و دابینکردنى پێداوییستی و ئامێری پزیشکی نەخۆشخانە و بنکەی تەندروستییەکانى سنوورى پارێزگای هەولێر زیاتر لە (2 ملیار دینار)ى لە کەرتی تەندروستی خەرج کراوە.