هەولێر.. کار بۆچارەسەرکردنى گرفتەکانى ئاوو کارەبا دەکرێت

پارێزگاری هەولێر و قائیمقامی ناوەندی پارێزگای هەولێر بەهاوکاری بەرێوەبەری گشتی ئاو و ئاوەڕۆکانی هەرێم باسیان لە گرفتەکانی ئاو و کارەبا کرد.

دوێنێ یەکشه‌ممە ٢٨ـى ٨ـى ٢٠٢٢، لە دیوانى پارێزگاى هەولێر، کۆبوونەوەیەک لەبارەى چارەسەرکردن و بنبڕکردنى گرفتەکانى ئاو و کارەبا کرا، کە ماوەیەکە کەمبوونەوەیان هاووڵاتیانى پارێزگاکەیان نیگەران کردووە.

هاوکات لە میانەی کۆبوونەوەکەدا جەخت لەسەر پەلەکردن لەسەر لێدانی بیرى ئاو لەو پارێزگایە کرایەوە و بە گرنگیش زانرا ، کە لیژنەیەکی پسپۆڕ بە شێوەیەکى زانستی بەدواداچوون بکات بۆ سروشتی ئەو بیرانە، قەبارە و کارکردنیان.

وێڕاى تیشکخستنەسەر پرسی ژمارەی بیرە لێدراوەکان لە ناو هەولێر و دەوربەری، باس لە ئالییەتى جێبەجێکردنی هەندێك پرۆژە و تەندەری خێرا لەشاری هەولێر کرا، کە ئەمەش کاریگەرى دەبێت لەسەر چارەسەرکردنى هەندێ لە کیشە هەنووکەییەکانى ئەو پارێزگایە.

رۆزە گەردی – ئەربیل لایف