هەولێر.. کەرنەڤاڵی تایبەت بە ئوتۆمۆبێلە کلاسیکەکان ساز دەکرێت

راگەیاندنی پارێزگای هەولێر، ئاگەدارییەکی بڵاوکردووەتەوە و رایگەیاند، لە رۆژی پێنجشەممە کەرنەڤاڵی تایبەت بە ئوتومۆبێلە کۆنەکان (کلاسیکەکان) سازدەکرێت، داوا لە خاوەنی ئوتۆمۆبێلە کۆنەکانیش دەکەن پەیوەندییان پێوە بکەن و بەشدار بن لە کەرناڤاڵەکە.

دەقی بڵاوکراوەکەی راگەیاندنی پارێزگای هەولێر؛

ڕۆژى پێنجشەممە 2023.3.16 لە هەولێرى پایتەخت، کەرنەڤاڵى ئوتۆمۆبیلە کلاسیک و کۆنەکان لە چوارچێوەى ئەنجامدانى کار و چالاکییە هونەرى و کەلتوورییەکانى 13 هەمین فیستیڤاڵى ئازادى و نەورۆز ئەنجامدەدرێت، ئەوانەى دەیانەوێت لەو کەرنەڤاڵە بە ئوتۆمۆبیلەکانیان بەشدارى بکەن، دەتوانێت تاکو سبەى چوارشەممە 15-3-2023 پەیوەندى بەم ژمارە تەلەفۆنەوە بکەن “07505354505”.