گۆرانیبێژی گەنج، هەڵوێست محەمەد نوێترین بەرهەمی هونەری خۆی بەشێوەی ڤیدیۆ کلیپ بۆ سەری ساڵ بڵاوكردەوە.

هەڵوێست لە كەناڵی یوتیوب گۆرانییە نوێیەكەی بەناوی “ساڵی نوێ” بڵاوكردەوە، تێكست و ئاوازی گۆرانییەکە لەلایەن هونەرمەند خۆیەوە دانراوە، ئەفشین شوكری كاری دابەشکردنی میوزیكی بۆ كردوە، کلیپی گۆرانیەکە لە هەولێر وێنەی بۆ گیراوە و لەلایەن دەرهێنەر باهۆز نەسرەدین کاری بۆ کراوە..

ھەڵوێست محەمەد لەدایکبوی شاری ھەڵەبجەیە، ماوەی چەند ساڵێکە دەستی بە کاری ھونەری کردوە، خاوەنی چەند گۆرانی و ڤیدیۆ کلیپێکە، ڕۆڵی سەرەکی بینیوە لە فیلمی سینەمایی پەیکەری دڵ.