پارکێکی گەورە لە هەولێر دروست دەکرێت

بەمەبەستی زیادکردنی ڕێژەی سەوزایی لە هەولێر، پارکێک بە زیاتر لە ١ ملیار دینار لە گەڕەکی ژیان دروست دەکرێت. ڕووبەری پارکەکە ١٧ هەزار مەتر چوارگۆشە دەبێت.

ئەمڕۆ دووشەممە، ٣٠/١٠/٢٠٢٣، ئومێد خۆشناو، پارێزگاری هەولێر، هەڵمەتێکی بۆ پاراستنی ژینگە و زیادکردنی ڕێژەی سەوزایی، بە دروستکردنی پارکێک لە گەڕەکی ژیانی شاری هەولێر، ڕایگەیاند؛ کە ئامادەکارییەکان هەمووی تەواو بووە و لەم نزیکانە دەست بە دروستکردنی دەکرێت.

لە شاری هەولێر بە شێوەیەکی گشتی، ٤٥٠ پارک و باخچە و دارستان هەیە، ڕێژەی سەوزایی گەیشتووەتە ١٩.٥ هەروەها ئەم ڕێژەیەش لە زیادبووندایە.

ئەربیل لایف – ئارام ئەبوزێد