کێشەی گەڕەکە کۆنەکانی هەولێر چارەسەر دەکرێت

لیژنه‌یه‌ك بۆ چاره‌سه‌ری کێشە و گرفتی گەڕەکەکانی (تەعجیل، عەرەب، خانەقا) پێكهێنرا

ئەمڕۆ چوارشەمە ٣١ـى ٨ـى ٢٠٢٢، بەسەرپەرشتی ساسان عەونی، وەزیری شارەوانی و گەشت و گوزاری حکومەتی هەرێمی کوردستان و ئومێد خۆشناو، پارێزگارى هەولێر، کۆبوونەوەیەکی تایبەت بەناوچەى بەفرزۆن و کێشە و گرفتەکانی گەڕەکەکانی(تەعجیل، عەرەب، خانەقا) ئەنجامدرا

لەکۆبوونەوەکەدا تیشک خرایەسەر کێشە و گرفتەکانى ناوچەی بەفرزۆن بەتایبەتى گەڕەکەکانی (تەعجیل، عەرەب، خانەقا)، لەو بارەیەشەوە گفتوگۆ لەبارەى ڕێکخستنەوەى ئەم ناوچانە بەشێواز و دیزاینێکی سەردەمیانە کرا، تاکو هەولێرى پایتەخت لە داهاتوویەکی نزیکدا ببرێتە .قۆناغێکی دیکەی ئاوەدانکردنەوە

گەڕەکەکانی (تەعجیل،عەرەب،خانەقا) یەکێکن لە کۆنترین گەڕەکەکانی شاری هەولێر، سیمای کۆنیان پێوەماوە ئێستا بەشێک لە خانووەکان .بەهۆی کۆنییەوە چۆڵکراون

رۆزە گەردی_ئەربیل لایف