هەولێر.. چەندین پڕۆژەى خزمەتگوزاریى جێبەجێ دەكرێن

پڕۆژەکانی خزمەتگوزاریی لە شاری هەولێر بەردەوامییان هەیە، بەشێکی زۆر لە پڕۆژەکان کۆتایی بەکارەکانییان هاتووە و چەندین پڕۆژی دیکەی خزمەتگوزاریی جێبەجێ دەکرێت.

ئەمڕۆ چوارشەممە، 16ـی 11ـی 2022، راگەیاندنی پارێزگای هەولێر، رایگەیاند؛ لە چوارچێوەى گەیاندنى پرۆژە خزمەتگوزارییەکان و نۆژەنكردنەوە و قیڕتاوكردنی شەقام و تۆڕەکانی ئاو و ئاوەڕۆ، 7 پرۆژەی جۆرا و جۆر لە هەولێر جێبەجێدەکرێن، بەمشێوەیەى خوارەوە:-

1- دروستكردنی ئاوەڕۆی لوولەیی لە گەڕەكی سێبەردان لە هەولێر.
2- جێبەجێكردنی پرۆژەی كاری ڕووپێوی و دیزاینكردنی بەشێك لە شەقام و زەوییەكانی سێبەردان.
3- قیڕتاوكردنی چەند شەقامێك لە گەڕەكەكانی خواكوڕك – 1ی شوبات لە كەسنەزان.
4- پرۆژەی قیڕتاوكردنی شەقامی 20 مەتری لە هەولێر.
5- دروستكردنی ئاوەڕۆی لوولەیی لە گەڕەكی حەمرین لە هەولێر.
6- كڕینی كەرەستە و گازوایل بۆ بەرهەمێنانی تێكەڵەی ئەسفەلتی لە هەولێر.
7- گۆڕینی بۆڕی تۆڕی ئاو لە بنەسڵاوە.