زیاتر لە 2300 گوڵ لە دوورگەی ناوەندی شەقامی هەولێر – موسڵ چێنرا.
راگەیاندنی سەرۆکایەتی شارەوانیی هەولێر، رایگەیاند: بە سەرپەرشتی بەڕێوەبەری بەڕێوەبەرایەتی ئەندازەی پارک و باخچەکانی هەولێر، دەستکرا بە چاندنی زیاتر لە 2300 گوڵ لە جۆری قەدیفە و ڕۆزماری لە دوورگەی ناوەندی شەقامی سەرەکی هەولێر – موسڵ.
شارەوانیی هەولێر دەڵێت، ئەو هەڵمەتە بە ئامانجی زیادکردنی ڕێژەی سەوزایی و ڕازاندنەوەی شەقامە گشتییەکانی شاری هەولێرە.