ئومێد خۆشناو، پارێزگاری هەولێر لە راگەیەندراوێکدا ئاشکرای کرد، بە هۆی ناسەقامگیری ڕەوشی کەش و هەوا و ئامادەکاریی هاوڵاتییان بۆ جەژنی نەورۆز، سبەی لە سنووری پارێزگای هەولێر پشووی فەرمییە.
دەقی راگەیەندراوەکە؛
ڕاگەیندراوێک لەبارەی پشووی فەرمانگەکان
بە هۆی ناسەقامگیری ڕەوشی کەش و هەوا و لەپێناو پاراستن و سەلامەتی گشتیی و ماندوبوونی تیمەکان و سەرقاڵی و ئامادەکاریی هاوڵاتییان بۆ جەژنی نەورۆز و سەری ساڵی کوردی، بڕیارماندا بەیانی ڕۆژی چوارشەممە 2024.3.20، لە سەرجەم فەرمانگە و دام و دەزگا و دامەزراوەکانی سنووری پارێزگای هەولێر بکرێتە پشوو.
ئومێد خۆشناو
پارێزگاری هەولێر
2024.3.19