ژمارەیەک قوتابی بەشی ڕاگەیاندنی زانکۆی ‘قودسی مەفتوحە’ی فەلەستینی سەردانی تۆڕی سۆشیاڵ میدیای ئەربیل لایفیان کرد، لەنزیکەوە بە شێوازی کارکردنی ئەربیل لایف ئاشناکران.
بە مەبەستی لەنزیکەوە ئاگاداربوون و وەرگرتنی ئەزموون و ئاڵوگۆڕکردنی زانیاری، ژمارەیەک قوتابی بەشی ڕاگەیاندن لە زانکۆی ‘قودسی مەفتوحە’ کە لە شارەکانی (ئەلریحە، سلفیت، توولکەرەم)ی فەلەستین دەخوێنن، بۆ بینین و سەردانیکردنی ژمارەیەک دەزگای ڕاگەیاندن بە گەشتێکی زانستی سەردانی هەرێمی کوردستانیان کردووە.
ئەمڕۆ وەک یەکەمین ناوەندی میدیای سەردانی تۆڕی سۆشیاڵ میدیای ئەربیل لایفیان کرد و قوتابییەکان دڵخۆشبوون بە هەبوونی تۆڕێکی سۆشیاڵ میدیای وەک ئەربیل لایف.
وا بڕیارە لە ڕۆژانی داهاتوودا سەردانی ژمارەیەکی دیکە لە دەزگا ڕاگەیاندنەکانی هەرێمی کوردستان بکەن.
