یانەی هەولێر دوو یاری دواخراوی لە گەری ٢٢ و ٢٤ خولی ئەستێرەکانی عێراق هەبوو، بە فەرمی کاتی هەردوو یارییە دواخراوەکەی هەولێر راگەیێنرا.
ئەربیل لایف – نێچیروان نووری
بڕیار بوو یانەی هەولێر لە خولی ئەستێرەکانی عێراق لە هەفتەی ٢٢ لە یاریگای زەورا رووبەرووی یانەی کارەبا ببێتەوە، هەروەها لە گەری ٢٤ لە یاریگای شەهید فەرەنسۆ هەریری رووبەرووی یانەی تەڵەبە ببێتەوە، بەڵام هەردوو یارییەکە دواخرا.
پێگەی فەرمیی یانەی هەولێر لە فەیسبووک، رایگەیاند: لە ٧ی ئەم مانگە کە دەکاتە رۆژی هەینی لە کاتژمێر ٦ی ئێوارە لە یاریگای زەورا رووبەرووی یانەی کارەبا دەبێتەوە.
هەروەها لە دوای کۆتایی هاتنی سزاکەی لە ١٤ی ئەم مانگە کە دەکاتە رۆژی هەینی لە کاتژمێر ٦ی ئێوارە لە یاریگای شەهید فەرەنسۆ هەریری میوانداری یانەی تەڵەبە دەکات،
ئەم یارییە دەبێتە یەکەم یاریی سەمیر بابۆ وەک راهێنەری یانەی هەولێر لە یاریگای فەرەنسۆ هەریری.