یانەی وەرزشیی هەولێر یاریزانێکی نوێی بەرازیلی بۆ ریزی یاریزانەکانی لە خولی ئەستێرەکانی عێراق زیاد کرد.
یانەی وەرزشیی هەولێر رایگەیاند،کە یاریزانی بەرازیلی هیگۆر ڤیدالی تەمەن 27 ساڵ، گرێبەستی لەگەڵ یانەکە واژۆ کردووە.
ڤیدال پێشتر لە یانەی تی سی گەلاکسی لە خولی نایابی ئەفریکای باشوور یاری دەکرد.
ئەم یاریزانە بەرازیلییە بە توانای یاریکردن بە هەردوو قاچ ناسراوە و شوێنی سەرەکیی یاریکردنی لە هێڵی ناوەڕاستە.
لە وەرزی رابردووی خولی نایابی ئەفریکای باشوور، ڤیدال توانی دوو گۆڵ تۆمار بکات و حەوت یاریدەری گۆڵیش پێشکەش بکات.